{[['']]}
കോട്ടയം: സംവിധായകന് ബാലു മഹേന്ദ്രയെ താന് പ്രണയിച്ചിരുന്നുവെന്ന് ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി. യാത്ര എന്ന ചിത്രത്തിന്റെ ഡബിങ് നടക്കുമ്പോഴാണ് അദ്ധേഹത്തോടെ പ്രണമുണ്ടായിരുന്നത്. എന്നല് തന്റെ കല്യാണം ഉറപ്പിച്ചതിനാല് പ്രണയം പുറത്തുപറഞ്ഞില്ലെന്നും ഭാഗ്യലക്ഷ്മി പറഞ്ഞു. സിഎംഎസ് കോളജ് സെമിനാര് ഹാളില് ‘എന്റെ പ്രണയം’ എന്ന പുസ്തകം പ്രകാശനം ചെയ്ത സംസാരിക്കുകയായിരുന്നു അവര്.
നടി ശോഭ മരിച്ചതിന് ശേഷം ബാലു മഹേന്ദ്രയെ കാണുന്നതേ ദേഷ്യമായിരുന്നു. എന്നാല് യാത്രയുടെ ഡബിങ് സമയത്ത് അടുത്ത് പരിചയപ്പെട്ടപ്പോള് എല്ലാം മാറി. യാത്രയിലെ കഥാപാത്രങ്ങളുടെ പ്രണയവും ഭാവങ്ങളും അദ്ദേഹം വിശദീകരിച്ചുതരുമായിരുന്നു. വല്ലാത്തൊരു അനുഭവമായിരുന്നു അത്.
അദ്ദേഹത്തിന്റെ സംസാരം കേള്ക്കുമ്പോള് ശോഭയ്ക്ക് അദ്ദേഹത്തോടു പ്രണയം തോന്നിയതില് അതിശയമില്ലെന്ന് എനിക്കുതോന്നിയിട്ടുണ്ടെന്നും ഭാഗ്യലക്ഷ്മി പറഞ്ഞു.
Post a Comment