'ഇങ്ങനെയും ഒരു ബൈക്ക് പ്രേമം; ശവസംസ്ക്കാരം നടത്തിയത് ഹാര്‍ലി ഡേവിഡ്സണ്‍ ബൈക്കിലിരുത്തി.
Date: 2 Feb 2014
ഒഹിയോ: ശവം സംസ്ക്കരിച്ചത് ഹാര്‍ലി ഡേവിഡ്സണ്‍ ബൈക്കിലിരുത്തി. ബൈക്ക് പ്രേമിയായ ഒഹിയോ സ്വദേശി ബില്ലി സ്റ്റാന്‍ഡ് ലി തന്റെ അന്ത്യാഭിലാഷമായി പറഞ്ഞത് തന്റെ ദേഹം സംസ്ക്കരിക്കുന്നതോടൊപ്പം തന്റെ പ്രിയപ്പെട്ട ഹാര്‍ലി ഡേവിഡ്സണ്‍ ബൈക്കും സംസ്ക്കരിക്കണമെന്നായിരുന്നു. 82 ആം വയസില്‍ ശ്വാസ കോശ അര്‍ബുദത്തെത്തുടര്‍ന്ന് ബില്ലി മരിച്ചപ്പോള്‍ അല്പം ബുദ്ധിമുട്ടിയാണെങ്കിലും ബന്ധുക്കള്‍ ആ വാക്ക് പാലിക്കുക തന്നെ ചെയ്തു. ബൈക്കില്‍ ഒരു ഇരുമ്പ് വളയം ഉപയോഗിച്ച് ബന്ധിച്ച് സീറ്റില്‍ ഇരിക്കുന്ന രീതിയിലാണ് ബില്ലിയുടെ മൃതദേഹം സംസ്ക്കരിച്ചത്. ബൈക്കും ബില്ലിയും പച്ച നിറത്തിലുള്ള ഗ്ലാസ് പേടകത്തിനുള്ളില്‍ ഇരുത്തി സംസ്ക്കരിക്കുകയായിരുന്നു. 1967 ല്‍ നിര്‍മ്മിക്കപ്പെട്ട ഒട്ടേറെ കൂട്ടിച്ചേര്‍ക്കലുകള്‍ നടത്തിയ ഹാര്‍ഡ് ലി ഡേവിഡ്സണ്‍ ബൈക്ക് ബില്ലിയുടെ ദേഹത്തിനൊപ്പം സംസ്ക്കരിക്കാന്‍ സെമിത്തേരിയുടെ വലിയൊരു ഭാഗം സ്ഥലം തന്നെ വേണ്ടി വന്നു.
വര്‍ഷങ്ങളായി ഇങ്ങനെയൊരു ആഗ്രഹത്തെക്കുറിച്ച് ബില്ലി പറയുമായിരുന്നു. അതിനായി രണ്ട് ആണ്‍മക്കളെയും കൊണ്ട് തന്നെയും ബൈക്കിനെയും ഉള്‍ക്കൊള്ളാനാകുന്ന ഒരു വലിയ പെട്ടി ഇയാള്‍ പണിയിപ്പിക്കുകയായിരുന്നു. ആര് വീട്ടിലെത്തിയാലും ആ ശവപ്പെട്ടി കാണിച്ചു കൊടുക്കുന്നത് ബില്ലിയുടെ പതിവായിരുന്നു. സ്വര്‍ഗത്തിലേയ്ക്ക് ബൈക്കില്‍ പോകുന്നത് ആളുകള്‍ കാണണം. അതിനാണ് ഗ്ലാസ് കൊണ്ട് സീത്രു ആയ പെട്ടി ഉണ്ടാക്കിച്ചതെന്ന് തന്നെ കാണാന്‍ വരുന്നവരോടൊക്കെ ബില്ലി സൂചിപ്പിക്കുമായിരുന്നു. 
{[['
']]}
']]}
Kerala tv show and news
ലണ്ടന്‍: സ്ത്രീകള്ക്ക് മാരകമാകുന്ന രോഗം പടര്‍ത്തുന്ന വൈറസുമായി ജീവിക്കുന്ന ബ്രയാന്റ് ഹാക്കെറ്റ് എന്ന 14 കാരനാണ് ഇപ്പോള്‍ വാര്‍ത്തകളില്‍ ഇടംപിടിക്കുന്നത്. ഈ ആണ്‍കുട്ടിയില്‍ കണ്ടെത്തിയ ‘സൈറ്റോമെഗാലോ വൈറസ് മാരകമാണെന്നും കുഞ്ഞിനെ പ്രതീക്ഷിച്ച് കഴിയുന്ന സ്ത്രീകള് അകലം പാലിക്കണമെന്നും ആരോഗ്യ വിദഗ്ധര്‍ പറയുന്നു. ഇവന്റെ അടുത്ത് ഗര്‍ഭിണികള്‍ പോയാല്‍ ജനിക്കാനിരിക്കുന്ന കുട്ടികള്ക്ക് വൈകല്യമുണ്ടാകുമെന്നാണ് മുന്നറിയിപ്പ്. ഈ വൈറസ് കാരണം ബ്രയന്റിന് ശാരീരികമായ യാതൊരു ബുദ്ധിമുട്ടുമില്ല. മുന്പ് പ്രത്യേകതരം മഞ്ഞപ്പിത്തം ബാധിച്ചപ്പോള്‍ നടത്തിയ പരിശോധനയിലാണ് ഈ വൈറസ് കണ്ടെത്തിയത്. രക്തത്തിലെ പ്ലേറ്റ് ലൈറ്റുകളുടെ കൌണ്ട് കുറയ്ക്കാനും കരള്‍ രോഗം വരുത്താനും അപൂര്‍വ്വമായി ഇത് കാരണമാകാറുണ്ടെന്ന് പറയുന്നു.
ചെന്നൈ: തമിഴ് സിനിമയില്‍ മാത്രം നടക്കുന്ന കാര്യം ചെന്നൈ ജയിലില്‍ നടക്കുന്നു. കൊലപാതകത്തിന് 12 വര്‍ഷമായി ശിക്ഷ അനുഭവിക്കുന്ന പ്രതിക്ക് കല്യാണം, വധു ബന്ധുവായ അഭിഭാഷക. എ. അരുണ എന്ന അഭിഭാഷകയാണ് മുന്‍ എം.എല്‍.എ: എം.കെ. ബാലനെ വധിച്ച കേസിലെ പ്രതി സോമുവിനെ വിവാഹം കഴിക്കുന്നത്. വിവാഹം ഫെബ്രുവരി രണ്ടിന് വ്യാസര്‍പടിയില്‍ നടക്കും. ഒന്നാം തീയതി പുറത്തിറങ്ങുന്ന സോമുവിന് പത്താം തീയതി വരെ പരോളാണ്.
