{[['
']]}
']]}
കേന്ദ്രമന്ത്രി ശശി തരൂരിനെ മലയാളികള്‍ അറിയുന്നത് ബഹുമുഖ പ്രതിഭയായിട്ടാണ്. എഴുത്തുകാരന്‍, മികച്ച നയതന്ത്രജ്ഞന്‍, പണ്ഡിതന്‍, യുഎന്‍ സെക്രട്ടറി സ്ഥാനത്തേയ്ക്ക് മത്സരിച്ച ഇന്ത്യക്കാരന്‍ എന്നി നിലകളൊലൊക്കെ അദേഹം അന്തര്‍ദേശീയ തലത്തിലും പ്രശസ്തനാണ്. സംഭവം എന്തൊക്കെയായാലും മൂന്നു സ്ത്രീകളെയാണ് അദേഹം പലപ്പോഴായി വിവാഹം കഴിച്ചത്. ഈ വിവാഹങ്ങളിലൊക്കെ ഇടയ്ക്കിടെ കോട്ടം സംഭവിക്കുകയും ചെയ്തിരുന്നു. തന്നെക്കാള്‍ പ്രായം കൂടിയ കൊല്‍ക്കത്ത സ്വദേശി തിലോത്തമ മുഖര്‍ജിയായിരുന്നു തരൂരിന്റെ ആദ്യ ഭാര്യ. ന്യൂയോര്‍ക്ക് യൂണിവേഴ്സിറ്റിയില്‍ ഹ്യൂമാനിറ്റീസ് പ്രൊഫസറായിരുന്നു തിലോത്തമ. കോളേജ് കാലം മുതലുള്ള ഈ പരിചയം പ്രണയത്തിലേയ്ക്കും വിവാഹത്തിലേയ്ക്കും കടക്കുകയായിരുന്നു. എഴുത്തുകാരിയും, സ്വവര്‍ഗാനുരാഗികളുടെ അവകാശങ്ങള്‍ക്കുവേണ്ടി പ്രവര്‍ത്തിച്ച ആക്റ്റിവിസ്റ്റ് ആയിരുന്ന തിലോത്തമയും തരുരും തമ്മിലുള്ള ബന്ധം പിന്നീട് വഴിപിരിയുകയാണ് ഉണ്ടായത്. രണ്ട് കുട്ടികളും ഈ ബന്ധത്തിലുണ്ട്. തുടര്‍ന്ന് 2007 -ല്‍ തരൂര്‍ ക്രിസ്റ്റ ഗില്‍സ് എന്ന കനേഡിയന്‍ യുവതിയെ വിവാഹം കഴിക്കുകയായിരുന്നു.
ഡച്ച് സമിതിയില്‍ തരൂരിന്റെ സഹപ്രവര്‍ത്തകയായ ക്രിസ്റ്റയെ ഏറെക്കാലത്തെ പ്രണയത്തിനു ശേഷമാണ് തരൂര്‍ വിവാഹം കഴിച്ചത്. എന്നാല്‍ അധികം താമസിക്കാതെ ആ ബന്ധവും അവസാനിപ്പിക്കുകയായിരുന്നു. ഒടുവില്‍ 2010 ലാണ് സുനന്ദ പുഷ്ക്കറുമായി തരൂര്‍ മൂന്നാം വിവാഹം കഴിച്ചത്. ഐ.പി.എല്‍ വിയര്‍പ്പോഹരി വിവാദത്തില്‍ സുനന്ദ പ്രത്യക്ഷത്തില്‍ വന്നിരുന്നു. വിവാദത്തില്‍ തരൂരിന് മന്ത്രിസ്ഥാനം നഷ്ടമാകുകയും ചെയ്തു. എങ്കിലും പിന്നീട് തരൂര്‍ സുനന്ദയെ തന്റെ ജീവിതപങ്കാളിയാക്കുകയായിരുന്നു. ഇപ്പോള്‍ പുറത്തുവന്നിരിക്കുന്നത് പാക്കിസ്ഥാന്‍ വനിതാ ജേര്‍ണലിസ്റ്റ് മെഹര്‍ തരാറുമായി തരൂര്‍ പ്രണയത്തിലാണെന്ന വാര്‍ത്തകളാണ്. 
ഇതിന്റെ പേരില്‍ സുനന്ദയും മെഹറും തമ്മില്‍ ട്വിറ്ററിലൂടെ പരസ്പരം പോരടിക്കുകയും ചെയ്തിരുന്നു. ഒടുവില്‍ ട്വിറ്റ് തങ്ങളുടേതല്ലെന്ന് പറഞ്ഞ് ശശി തരൂര്‍ തടിയൂരുകയാണ് ചെയ്തത്. എന്തായാലും സുനന്ദയുടെ മരണത്തോടെ തരൂരിന്റെ രാഷ്ട്രീയഭാവി എന്താകുമെന്നാണ് കണ്ടറിയേണ്ടത്. 
Post a Comment