{[['']]}
കോഴിക്കോട്:കൊയിലാണ്ടി കുറുവങ്ങാട്ട് ക്ഷേത്ര എഴുന്നള്ളിപ്പിനിടെ ഇടഞ്ഞോടിയ ആനകള് മണിക്കൂറുകളോളം പരിഭ്രാന്തി പരത്തി. രാത്രി പന്ത്രണ്ട് മണിയോടെ ഇടഞ്ഞ രണ്ട് ആനകളിലൊന്നിനെ ഉച്ചയ്ക്ക് ഒന്നരയോടെയാണ് തളയ്ക്കാനായത്. തൃശãൂരില് നിന്നെത്തിയ വിദഗ്ദ സംഘം മയക്കുവെടി വെച്ച ശേഷമാണ് ആനയെ തളച്ചത്.
മയക്കുവെടി വെച്ച ശേഷം അല്പ്പനേരം ശാന്തനായി നിന്ന കൊമ്പന് പിന്നെയും മണിക്കൂറുകളോളം കൃഷിയിടങ്ങളിലും പറമ്പുകളിലും ഓടി നടന്നു. ബഹളം വെച്ച ആള്ക്കൂട്ടത്തിനും തളയ്ക്കാന് ചെന്ന പാപ്പാന്മാര്ക്കും നേരെ ചീറിയടുത്തു.
രാത്രി പന്ത്രണ്ട് മണിക്കായിരുന്നു കൊയിലാണ്ടി മണക്കുളങ്ങര ക്ഷേത്രത്തില് എഴുന്നള്ളിപ്പിന് കൊണ്ടു വന്ന സുനില്, സുബ്രഹ്മണ്യന് എന്നീ ആനകള് ഇടഞ്ഞത്. ആനകളില് ഒന്ന് രാവിലെ എട്ട് മണിയോടെ ശാന്തനായിരുന്നു. എന്നാല് ആള്ക്കൂട്ടത്തെ കണ്ടു ഭയന്ന സുനില് എന്ന ആന പാപ്പാന്മാര്ക്ക് വഴങ്ങാന് കൂട്ടാക്കിയില്ല. പാപ്പാന്മാരുടെ പരിചയക്കുറവ് കൂടിയായതോടെ തളയ്ക്കല് പിന്നെയും നീണ്ടു.
പറമ്പുകളിലെ തെങ്ങുകളും കവുങ്ങുകളും പിഴുതെറിഞ്ഞ ആന ചില വീടുകള്ക്കു നേരെയും കലി തീര്ത്തു. ഒടുവില് ഉച്ചയ്ക്ക് ഒന്നരയോടെ ക്ഷീണിതനായി നിന്നതോടെയാണ് ആനയെ തളയ്ക്കാനായത്. ജനങ്ങള്ക്ക് ശ്വാസം നേരെ വീണതും. തൃശãൂരില് നിന്ന് ഡോക്ടര് ഹരിദാസിന്റെ നേതൃത്വത്തില് വിദഗ്ദ സംഘവും വനം വകുപ്പുദ്യോഗസ്ഥരും സ്ഥലത്തെത്തിയിരുന്നു.
Post a Comment