{[['
']]}
']]}കൗതുക വസ്തുക്കള്‍ വീടിന്റെ ഭംഗി വര്‍ദ്ധിപ്പിക്കും!!
പണ്ടൊക്കെ ഒരു വീട്ടിലേയ്ക്കെത്തുമ്പോള്‍ നമ്മെ ഏറ്റവും കൂടുതല്‍ ആകര്‍ഷിച്ചിരുന്നത് ഷോകേസിനുള്ളിലെ കൗതുക കാഴ്ചകളായിരുന്നു. എന്നാല്‍ ഇന്ന് ഇന്റീരിയര്‍ ഡിസൈനിംഗ് രംഗത്ത്‌ ഇത്തരം ഷോകേസുകള്‍ പഴഞ്ചനായി കഴിഞ്ഞു. അതിനകത്തെ കൗതുകകരമായ കാഴ്ചകള്‍ ഷോകേസിന് പുറത്തേയ്ക്ക് എത്തി കഴിഞ്ഞിരിക്കുന്നു. ഇത്തരത്തിലുള്ള കൗതുക കാഴ്ചകളില്‍ ആളുകള്‍ പ്രധാനമായും പുതുമകളാണ്‌ തേടുന്നത്. ഓരോരുത്തരുടേയും വ്യക്തിമുദ്ര പതിപ്പിക്കുന്ന തരത്തിലുള്ള വസ്തുക്കളാണ്‌ ഷോകേസിലേയ്ക്ക് ഇപ്പോള്‍ ആളുകള്‍ കൂടുതലായും തിരഞ്ഞെടുക്കുന്നത്. മറ്റൊരു സ്ഥലത്തും കാണാത്ത കൗതുക വസ്തുക്കള്‍ ആളുകള്‍ തിരഞ്ഞ് കണ്ടുപിടിക്കുന്നു. സെറാമിക്ക് ടെറാക്കോട്ട, സിന്തറ്റിക്ക് ഫൈബര്‍ തുടങ്ങിയ മെറ്റീരിയലുകളില്‍ ഇവ ലഭിക്കാറുണ്ട്. ഒരോ വീടിന്റെയും രൂപകല്‍പനക്കനുസരിച്ച് കൗതുക വസ്തുക്കള്‍ നമുക്ക് തിരഞ്ഞെടുക്കാവുന്നതാണ്‌. ഓരോ ദിവസവും വിവിധതരം മോഡലുകള്‍ ഇന്ന് വിപണിയില്‍ ഇറങ്ങുന്നു. അതിനാല്‍ പുതിയ മോഡലുകള്‍ ഏതെന്ന് പറയാന്‍ കഴിയില്ല. എന്നാല്‍ ക്യത്യമായ സ്ഥലത്ത്‌ ഇത്തരത്തിലുള്ള കൗതുകവസ്തുക്കള്‍ വയ്ക്കുന്നത്‌ വീട്ടിന്റെ ആകര്‍ഷണീയത വര്‍ദ്ധിപ്പിക്കും.
Post a Comment