ടയറില്‍ കാറ്റു നിറയ്ക്കുന്നത് മൂക്കുകൊണ്ട്; അതും ഒന്നല്ല, നാലെണ്ണത്തില്‍

ബീജിംങ്: ടയറില്‍ കാറ്റു നിറയ്ക്കുന്നത് മൂക്കുകൊണ്ട്. മൂക്ക് ശ്വസിക്കാനാണ് ഉപയോഗിക്കുന്നതെങ്കില്‍ ചൈനയിലെ ചെങ് ഡുവിലുള്ള നീ യോങ് ബിങ് ആണ് ടയറില്‍ കാറ്റ് നിറയ്ക്കുവാനും മൂക്ക് ഉപയോഗിക്കുന്നത്. നാലു വലിയ ടയറിലാണ് ഇദേഹം മൂക്കുകൊണ്ട് കാറ്റ് നിറയ്ക്കുന്നത്. 4 ടയറില്‍ കാറ്റു നിറയ്ക്കാന്‍ ഇദേഹത്തിനുവേണ്ട സമയം വെറും 21 മിനിറ്റാണ്. രണ്ടു പേര്‍ വീതം ഓരോ ടയറില്‍ കയറി നിന്നാലാണ് ഇത്രയും സമയം വേണ്ടത്. 

           അല്ലെങ്കില്‍ ഇതിന്റെ പകുതി സമയം പോലും എടുക്കില്ല കാറ്റ് നിറയ്ക്കാന്‍. ആരോഗ്യം നന്നായി നിലനിര്‍ത്താന്‍ വേണ്ടി മൂക്കു കൊണ്ട് ബലൂണ്‍ നിറയ്ക്കാന്‍ ഒരു ഡോക്ടറാണ് ഇദേഹത്തെ ഉപദേശിച്ചത്. ഈ ശ്രമം പിന്നീട് ടയര്‍ നിറയ്ക്കുന്നതില്‍ എത്തുകയായിരുന്നു. 63 കാരനായ നീ യോങ് ബിങിന്റെ പ്രകടനം കാണാന്‍ നിരവധി പേരാണ് വന്നുകൊണ്ടിരിക്കുന്നത്.