ടെക്സാസ്: ഗര്ഭിണിയായ യുവതിക്ക് കോടതി മരിക്കാനുള്ള അനുവാദം നല്കി. മസ്തിഷ്ക്ക മരണം സംഭവിച്ച് ആശുപത്രിയില് കഴിയുന്ന 33 കാരിയായ മാര്ലീസ് മുനോസിന്റെ ജീവന് നിലനിര്ത്തിയിരുന്ന ഉപകരണങ്ങള് നീക്കം ചെയ്യാന് കോടതി ഉത്തരവിട്ടു. ഭര്ത്താവ് നടത്തിയ മാസങ്ങള് നീണ്ട നിയമ പോരാട്ടത്തിനൊടുവിലാണ് തന്റെ ഗര്ഭിണിയായ ഭാര്യയ്ക്ക് കോടതി മരിക്കാനുള്ള അനുവാദം നല്കിയത്. നവംബര് 26ന് തലകറങ്ങി വീണതിനെത്തുടര്ന്ന് ഗര്ഭിണിയായ മാര്ലിസ് മുനോസിനെ ഭര്ത്താവും ബന്ധുക്കളും ചേര്ന്ന് ടെക്സാസിലെ ഫോര്ട്ട് വെര്ത്ത് ആശുപത്രിയില് പ്രവേശിപ്പിക്കുകയായിരുന്നു. മാര്ലിസിന്റെ ഗര്ഭത്തിലുള്ള കുഞ്ഞിന് ജീവനുണ്ടെന്നും അതിനാല് യുവതിയെ വെന്റിലേറ്ററില് നിന്നും മാറ്റാനാവില്ലെന്നും ആശുപത്രി അധികൃതര് പറഞ്ഞതോടെ ഭര്ത്താവ് എറിക് മുനോസ് കോടതിയെ സമീപിച്ച് ഭാര്യയുടെ മൃതദേഹം വിട്ടുകിട്ടണമെന്ന് ആവശ്യപ്പെടുകയായിരുന്നു.
No comments:
Post a Comment